உறவுகளும் ஒற்றுமைகளும் – தேன்கூடு போட்டிக்காக

உறவுக்கும் நிலவுக்கும்
ஒரு ஒற்றுமை

இரண்டும் தூரஇருந்தால் தான் ஒளிமிகுந்த பௌர்ணமி
இரண்டும் இணைந்து விட்டால் ஒளியற்ற அமாவாசை

உறவுக்கும் மருந்துக்கும்
ஒரு ஒற்றுமை

இரண்டும் தேவையான நேரத்தில் தான்
சந்தித்துக்கொள்ளவேண்டும்

இரண்டும் மற்ற நேரத்தில் சேர்ந்துவிட்டால்
நேரம் சரிபார்த்துக் கொள்ள வேண்டும்


உறவுக்கும் பகைக்கும்
ஒரு ஒற்றுமை

இரண்டும் உயிருள்ள மட்டும் உருகும்
இரண்டும் மூச்சுள்ள மட்டும் முட்டும்

உறவுக்கும் நீருக்கும்
ஒரு ஒற்றுமை

இரண்டும் இல்லாமல் அமையாது உலகு
இரண்டும் இல்லாமல் அமைவது அல்ல உலகு.
(நட்பும் ஒரு வகையில் உறவு தானே!)

உறவுக்கும் வேலைக்கும்
ஒரு ஒற்றுமை

இரண்டும் உடலில் தெம்புள்ள மட்டும் பாராட்டும்.
இரண்டும் உடலில் தெம்பைவிட்டு விட்டால் நீராட்டும்.

உறவுக்கும் செல்லுக்கும்
ஒரு ஒற்றுமை

இரண்டும் சார்ஜ் செய்த மட்டும் வேலை செய்யும்
இரண்டும் உறவேற்றிய மட்டும் வேலை செய்யும்.

உறவுக்கும் கணினிக்கும்
ஒரு ஒற்றுமை

இரண்டும் உள்ளதை மட்டும் கணக்கிடும் ஒரு கருவி
இரண்டும் தெரிந்ததை மட்டும் சொல்லும் கூண்டுக்கிளி

உறவுக்கும் நாட்காட்டிக்கும்
ஒரு ஒற்றுமை

இரண்டும் உள்ளவரை இருந்து கடைசி நேரத்தில் கிழிந்து விடும்
இரண்டும் காக்க செய்வதில் வரையரை கிடையாது.

எல்லாவற்றிலும் உறவையே காணும் மானிடன் உறவையும் விட்டு, துறவை உறவாக்கி கொண்டவன் துறவியா? அல்லது உறவியா?

Share